Um úrskurðarnefnd umhverfis- og auðlindamála
Hlutverk nefndarinnar er að úrskurða í kærumálum vegna stjórnvaldsákvarðana og ágreiningsmálum vegna annarra úrlausnaratriða á sviði umhverfis- og auðlindamála eftir því sem mælt er fyrir um í lögum á þessu sviði.
Hvernig er nefndin skipuð?
Nefndin starfar á grundvelli laga nr. 130/2011 og er sjálfstæð í störfum sínum. Formaður er jafnframt forstöðumaður og hefur starfið að aðalstarfi. Hann er skipaður til fimm ára að undangenginni auglýsingu og skal uppfylla starfsgengisskilyrði héraðsdómara. Varaformaður er staðgengill forstöðumanns, uppfyllir sömu hæfisskilyrði og er skipaður með sama hætti til fimm ára.
Aðrir nefndarmenn eru skipaðir til fjögurra ára í senn eftir tilnefningu Hæstaréttar. Þeir skulu allir hafa háskólapróf og sérþekkingu á tilteknu sviði:
Formaður og varaformaður
Skipaðir af umhverfis-, orku- og loftslagsráðherra.
Samkvæmt tilnefningu Hæstaréttar Íslands
Meðferð mála
Að jafnaði er nefndin skipuð þremur fulltrúum við meðferð máls en fimm í stærri málum. Formaður getur einn afgreitt mál sem eru einföld úrlausnar og varða ekki verulega hagsmuni.
Reglur um formannsúrskurði
Formaður getur einn kveðið upp úrskurð í máli með heimild í 3. mgr. 3. gr. laga nr. 130/2011 í eftirtöldum tilvikum:
- a.Ef vísa skal máli frá vegna þess að það eigi ekki undir úrskurðarnefndina, kærandi eigi ekki lögvarða hagsmuni eða að kærufrestur sé liðinn.
- b.Þegar krafist er stöðvunar framkvæmda til bráðabirgða, enda sé mál einfalt og hagsmunir ekki verulegir.
- c.Þegar leyst er úr efni máls og úrlausn þess varðar aðeins lagaleg álitaefni, hefur ekki fordæmisgildi og snertir ekki mikla hagsmuni.
Leiki vafi á um það hvort framangreindar heimildir eigi við um tiltekið mál getur formaður leitað úrlausnar úrskurðarnefndarinnar svo skipaðri sem hún myndi vera við meðferð viðkomandi máls. Formaður tekur þó ekki þátt í afgreiðslu nefndarinnar samkvæmt ákvæði þessu. Formaður skal gera nefndinni grein fyrir þeim úrskurðum sem hann kveður upp með stoð í reglunum.
Tengdar stofnanir
